Топ-100 аж ахуйн нэгжээр 12 дах жилдээ шалгарлаа

Сангийн яам, Гаалийн ерөнхий газар, Татварын ерөнхий газар, Нийгмийн даатгалын ерөнхий газар, Улсын бүртгэлийн ерөнхий газар, Статистикийн ерөнхий газар зэрэг байгууллагуудын албан ёсны мэдээ тайланд үндэслэж Монгол Улсын Засгийн газар, Монголын үндэсний худалдаа аж үйлдвэрийн тэнхим хамтран жил бүр “Монголын ТОП- 100 ААН”-ийг шалгаруулан эрэмбэлэдэг билээ. “Цайртминерал” ХХК нь уулын баяжуулах үйлдвэр ашиглалтад орсон цагаас эхлэн тасралтгүй уг шалгаруулалтад шалгарч байсан бөгөөд энэ жил 17-р байранд оржээ. Өнгөрөгч онд манай хамт олон улсад 69 тэрбум төгрөгийн татварыг төлж, улсын хэмжээнд татвар төлсөн үзүүлэлтээрээ 9-рт жагссан байна. Хамтран ажилладаг байгууллагууд, орон нутгийн удирдлага, иргэд, хамт олондоо талархал илэрхийлье.