Ажилчдын шинэ орон сууц ашиглалтанд орлоо.

Компаний зүгээс ажилчдын нийгмийн халамж, тэдний амьдрах орчинг сайжруулах тал дээр байнга анхаарч ажиллаж байдаг юм. Энэ ажлын хүрээнд 2008 оноос эхлэн 180 айлын орон сууцны барилгын төлөвлөгөөг  гарган ажиллаж ирсэн бөгөөд энэ жил тус ажлын эхний хэсэг болох 36 айлын орон сууц ашиглалтанд орж байна. Энэхүү сууц нь  дулаан граж, утас, кабелийн телевиз, домофон систем, интернет зэрэг орчин үеийн орон сууцны стандартанд тохируулан чанарын өндөр түвшинд барьж байгуулсан юм.  
Тус компанид идэвхи гарган ажиллаж буй шилдэг, тэргүүний ажилчид эхний ээлжинд шалгаран орж байгаа бөгөөд байрны нийт өртөгийн 48%-ыг компани төлж, тухайн ажилтан урьдчилгаа 30%-ын  төлбөрийг төлж үлдэгдэл төлбөрийг 5 –н жилийн хугацаанд төлж барагдуулахаар гэрээ байгуулан олгосон байна. Ажилчид сэтгэл хангалуун байна.