2012 оны Топ-150 ААН тодорлоо

Баялгийг бүтээн бий болгож улс орны хөгжил дэвшлийн түүчээ болсон бизнесийн байгууллагуудын эдийн засаг, нийгэм, бизнесийн хөгжилд оруулж буй хувь нэмэр, үүрэг хариуцлагыг үнэлж дүгнэдэг уламжлалт арга хэмжээ болох “ТОП-150” аж ахуйн нэгжийн шалгаруулалтын нэгдсэн дүн гарлаа. Энэхүү шалгаруулалтыг Монгол улсын Засгийн газар, МҮХАҮТанхим хамтран 2001 оноос хойш уламжлал болгон зохион байгуулж ирсэн бөгөөд шалгаруулалтын цар хүрээ жил ирэх тутам нэмэгдэж, өдгөө бизнесийнхний хүсэн хүлээдэг том арга хэмжээний нэг болжээ. Монголын эдийн засаг, нийгмийн хөгжилд хөрөнгө оруулалт, бүтээн байгуулалтаараа хувь нэмрээ оруулж, мянга мянган ажлын байр бий болгож байгаа аж ахуй нэгжүүдийн нэгээр "Цайрт Минерал" ХХК 18-р байранд шалгарч 2012 оны ТОП аж ахуй нэгжээр тодорлоо. Уул уурхайн компани дотроос 5-р байранд шалгарсан байна. Мөн нийгмийн хариуцлагыг хэрэгжүүлэгч компаниар 5-р байранд шалгарлаа.

http://www.mongolchamber.mn/index.php/home-page/home/2012-08-27-08-24-12/1921-2013-04-16-133924