Монгол улсын шилдэг татвар төлөгч
"Цайрт Минерал" ХХК татвар төлөлтөөр Монгол улсын хэмжээнд 4-рт шалгарлаа.
Татварын Ерөнхий Газараас 2016 оны шилдэг 99 татвар төлөгчийг шалгаруулж, шагналыг нь гардууллаа. Нийгэмд баялаг бүтээж, улсын төсвийн орлогыг бүрдүүлдэг шилдэг татвар төлөгчдийг шагнах ёслол Шангри-Ла зочид буудалд ёслол хүндэтгэлтэйгээр зохион байгуулагдав.
Тухайн оны шилдэг татвар төлөгчийг шалгаруулахдаа “Шилдэг татвар төлөгчийг шалгаруулах, татвар төлөгчийг шагнаж урамшуулах” журмын дагуу төлсөн татварын хэмжээ нь тухайн татварын албаны хэмжээнд тэргүүлсэн, Тайлангаа тогтмол ирүүлж, татвараа хугацаанд нь төлсөн байх, Татвар ногдуулах төлөхтэй холбогдсон тооцоо, мэдээг тогтоосон хугацаанд татварын албанд ирүүлсэн байх, “Татварын албаны эрсдэлийн удирдлагын журам”-ийн дагуу “хүлээн зөвшөөрөгдөхүйц бага” болон “дунд” эрсдэлтэй үнэлэгдсэн байх гэсэн үндсэн үзүүлэлтээр дүгнэдэг байна.